地球真係好危險，依家空氣污染指數爆高，出街一係撞正火車頭要跟尾食住二手煙，一係就行街過馬路食塵，到室內冷氣場又唔係間間放置空氣清新機，谷住裡面玩空氣唔流通都好容易病。
不過依家空氣淨化機都有手攜啦！機身仲附設有空氣質素監測儀，可以方便地拆出來，配合手機智能控制功能，隨時隨地探測空氣質素。
Wynd Plus 空氣淨化機，細細部最適合房間使用，又可以輕便攜帶出街，充完電仲可以連續使用8小時，可以連接手機 App 調節風量、控制開關，同哥哥呀芊去到某D地方，就可以監察當時周邊嘅空氣質素，話到我知空氣質素情況，玩都玩得安心D。
Wynd Plus 一推出已經受到外國媒體廣泛報導，就連美國《時代雜誌》亦選為 2016年度「25項最佳發明之一」。外形纖巧型格的Wynd Plus更於美國及加拿大Apple Store直接有售，係Apple Store 上唯一的空氣淨化器。